Koor

So 'n paar weke gelede sê my 7-jarige so terloops vir my: "Mamma, ek is uit die koor geskop."

Ek sluk amper my tong in en begin spontaan hipperventileer.

Ek:" Wat? Wanneer het dit gebeur?"

Hy: "Ek kan nie onthou nie, lank terug."

Ek: "Wat het jy gedoen?"

Hy: Niks, die nasorg het vergeet om my koor toe te vat."

Ek: "Moenie worry nie, ek sal die Juffrou en die nasorg bel en dit uitsorteer."

Hy:" Nee, ek wil nie meer koor sing nie."

Ek: "Wat bedoel jy, jy wil nie meer koor sing nie?"

Hy: "In die koor moet ek heeltyd stilbly en stilsit. Seuntjies kan nie so lank stilbly en stilsit nie."

Ek: 🙄

Hy: "Mamma verstaan glad nie hoe seuntjies werk nie!"

Ek kon maar net lag, wat weet ek nou?🤣